Diocese

A Diocese de Mondoñedo-Ferrol

• A Diocese de Mondoñedo-Ferrol ocupa na actualidade o norte das provincias de Lugo e A Coruña, cunha superficie total de 4.500 quilómetros cuadrados e uns 300.000 habitantes repartidos en 424 parroquias.

• Os seus límites son o Océano Atlántico e mailo Mar Cantábrico polo norte, a Diocese de Lugo polo sur, a Arquidiocese de Oviedo polo este e a de Santiago de Compostela polo oeste.

• As súas orixes teñen que ver coas sés episcopais de Bretoña e Dumio, anque a documentación histórica ten lagoas importantes, sobre todo no referente ós territorios da sé britoniense.

O Bispo de Mondoñedo-Ferrol

• O actual Bispo de Mondoñedo-Ferrol é Mons. Manuel Sánchez Monge. É natural de Fuentes de Nava, na provincia e diocese  de Palencia, onde era Vicario Xeral ata que foi elixido para ser o Bispo da nosa Igrexa Diocesana.

• Mons. Sánchez Monge estudiou na Pontificia Universidade Gregoriana de Roma, onde defendeu a súa tese de doutoramento sobre A Familia, Igrexa Doméstica, no ano 1998.

• Ademais de profesor no Instituto Teolóxico de Palencia, foi rector dos Seminarios Maior e Menor da súa diocese.

• A súa ordenación episcopal tivo lugar na Praza da Catedral de Mondoñedo o día 23 de xullo do ano 2005 e nesa mesma celebración inaugurou o seu ministerio episcopal na nosa Diocese de Mondoñedo-Ferrol.

• Na Conferencia Episcopal Española forma parte da Comisión Episcopal de Apostolado Segrar e da Comisión Episcopal para a Vida Consagrada.