Intelectual

A dimensión intelectual é esencial no proceso de formación para o ministerio ordenado. Tanto é así que, tendo en conta o tempo que adicamos ás clases e ó estudio persoal, esta tarefa ocupa a maior parte da nosa xornada.

• A formación intelectual dos nosos seminaristas está confiada ó Instituto Teolóxico Compostelán, centro agregado á Facultade de Teoloxía da Universidade Pontificia de Salamanca.
   

• A formación teolóxica dos candidatos ó ministerio ordenado esixe fidelidade ó home concreto a quen se ofrece o Evanxeo como Palabra de Salvación. Para iso, os seminaristas deberán familiarizarse coa linguaxe, a cultura, os problemas e os plantexamentos da sociedade na que viven.

• O estudio da Filosofía e das Ciencias Humanas e a formación dun pensamento crítico son condicións indispensables na formación intelectual dos futuros sacerdotes, que deben capacitarse para dar razón da súa fe ós homes e mulleres de hoxe.

É no marco complexo do mundo actual, dentro do que debe reflexionar a teoloxía, sen medos nin presuncións, superando a vella e dolorosa separación entre a fe e a cultura, entre a Igrexa e a sociedade.