Oración | Día do Seminario | Xornada Mundial

Oración do apóstolo (S. XIV)

Cristo, non tes mans,

tes só as nosas mans

para construír un mundo novo
onde habite a xustiza.

Cristo, non tes pés,

tes só os nosos pés

para poñer en marcha aos homes
polo camiño da liberdade.

Cristo, non tes labios,

tes só os nosos labios

para proclamar ao mundo a
Boa Nova do teu Evanxeo.

Cristo, non tes medios,

tes só os nosos medios

para lograr que todos

os homes sexamos irmáns.

Salmo do home aberto á vontade de Deus

Hoxe, Señor,

preséntome diante de ti

con todo o que son e teño.
Acudo a ti como persoa sedenta,

necesitada...

Porque sei que en ti
hei encontrar resposta.
Sinto que non podo vivir

coa dúbida todo o tempo

e que se achega o momento

de tomar unha decisión.

Desexo poñerme diante de ti

cun corazón aberto

coma o de María,

cos ollos fixos en ti

agardando que me dirixas a túa Palabra.

Desexo poñerme diante de ti

coma Abraham,

co corazón cheo de esperanza,

poñendo a miña vida nas túas mans.

Desexo poñerme diante de ti

coma Samuel,

cos oídos e o corazón

dispostos a escoitar a túa vontade.

Aquí me tes, Señor,

cun desexo profundo

de coñecer os teus designios.

Quixera ter a seguridade

de saber o que me pides neste momento;
quixera que me falases claramente,

coma a Samuel.

Moitas veces

vivo na eterna dúbida.
Vivo entre dúas forzas opostas

que me provocan indecisión

e no medio de todo

non remato de ver claro.

Sácame, Señor,

desta confusión en que vivo.

Quero saber con certeza

o camiño que teño que seguir.

Quero entrar dentro de min mesmo

e atopar a forza suficiente

para darche unha resposta

sen escusas, sen pretextos.

Quero perder tantos medos

que me impiden ver claro

o proxecto de vida

que poidas ter sobre min.

¿Que queres de min, Señor?
¡Respóndeme!
¿Queres que sexa un discípulo teu

para anunciarte no medio deste mundo?
Señor, ¿que esperas de min?

¿por que eu e non outro?
¿Como ter a seguridade

de que é este o meu camiño e non outro?

No medio deste enxame de dúbidas

quero que saibas, Señor,

que farei o que me pidas.
Se me queres para anunciar o teu Reino,

conta comigo, Señor.

Se necesitas a miña colaboración

para levar a todas as persoas

coas que me atope cara a ti,

conta comigo, Señor.

Se me chamas a ser testemuña túa

dunha forma máis radical

coma sacerdote no medio dos homes,

conta comigo, Señor.

E se estás con desexos

de dirixir a túa Palabra aos meu oídos

e ao meu corazón,

fala, Señor, que o teu servo escoita.